ט֗וֹב לַֽחֲס֥וֹת בַּֽיהוָ֑ה מִ֝בְּטֹ֗חַ בָּֽאָדָֽם׃ט ט֗וֹב לַֽחֲס֥וֹת בַּֽיהוָ֑ה מִ֝בְּטֹ֗חַ בִּנְדִיבִֽים׃י כָּל־גּוֹיִ֥ם סְבָב֑וּנִי בְּשֵׁ֥ם יְ֝הוָ֗ה כִּ֣י אֲמִילַֽם׃יא סַבּ֥וּנִי גַם־סְבָב֑וּנִי בְּשֵׁ֥ם יְ֝הוָ֗ה כִּ֣י אֲמִילַֽם׃יב סַבּ֤וּנִי כִדְבוֹרִ֗ים דֹּֽ֭עֲכוּ כְּאֵ֣שׁ קוֹצִ֑יםבְּשֵׁ֥ם יְ֝הוָ֗ה כִּ֣י אֲמִילַֽם׃יג דַּחֹ֣ה דְחִיתַ֣נִי לִנְפֹּ֑ל וַ֖יהוָ֣ה עֲזָרָֽנִי׃יד עָזִּ֣י וְזִמְרָ֣ת יָ֑הּ וַֽיְהִי־לִ֝֗י לִֽישׁוּעָֽה׃טו ק֤וֹל ׀ רִנָּ֬ה וִֽישׁוּעָ֗ה בְּאָֽהֳלֵ֥י צַדִּיקִ֑ים יְמִ֥ין יְ֝הוָ֗ה עֹ֣שָׂה חָֽיִל׃טז יְמִ֣ין יְ֭הוָה רֽוֹמֵמָ֑ה יְמִ֥ין יְ֝הוָ֗ה עֹ֣שָׂה חָֽיִל׃